Свиња, зајак и куче предизвикаа сообраќајки

 

Три сообраќајки, во кои автомобили удриле во животни, се случиле завчера на ав­то­па­тот Тетово – Гостивар. Според полицијата, во несреќите нема повредени лица, а причинета е само голема материјална штета. Првата сообраќајка се случила око­лу 3 часот и 30 минути.

На автопатот, во близина на наплатната рампа Тетово, пат­нич­ко возило “ауди” со гостиварски таблички, управувано од дваесет и две­го­диш­ни­от Е.Н. од Чајле, удрило и усмртило дива свиња. Штетата на возилото се про­це­ну­ва на околу 20 илјади денари. На истото место, околу 9 часот и 30 минути, пат­нич­ко возило “форд галакси” со гостиварски регистарски таблички, управувано од 50-го­диш­ни­от Б.Џ. од Беловиште, налетало на куче. Материјалната штета во оваа нес­ре­ќа се проценува на 5000 денари. Третиот судир се случил во близина на над­воз­ни­кот за Градец, вечерта околу 23 часот. Овој пат патничко возило “фолк­сва­ген пасат”, управувано од 40-годишниот Л.А. од Шемшово, удрило во зајак. Ош­те­ту­ва­ње­то на возилото се проценува на над 20 илјади денари.

Спо­ред портпаролот на СВР Тетово Марјан Јосифовски, на поширокото тетовско под­рач­је годинава се регистрирани педесетина сообраќајни несреќи што ги пре­диз­ви­ка­ле животни. Најголемиот број од несреќите се случиле на автопатот Гостивар – Те­то­во во доцните вечерни или во раните утрински часови, и завршиле само со ма­те­ри­јал­на штета.

При­чи­на за овие несреќи е недоволната обезбеденост на коловозите со заштитна ог­ра­да, пред сe, на автопатот Тетово – Гостивар, на кој на повеќе места е оштетена ог­ра­да­та или воопшто ја нема.

 

Leave a Reply

Your email address will not be published. Required fields are marked *

You cannot copy content of this page