Кога станува збор за ловечки пушки, многу луѓе се прашуваат колку долго тие всушност траат. Има различни мислења и шпекулации на стручњаци кога е во прашање оваа тема, но основното е дека времетраењето на ловечката пушка зависи исклучиво од нејзиниот квалитет и одржување. Секако, цената кажува многу за квалитетот на самата пушка.
Колку е поскапа пушката, толку е подобар квалитетот. Сепак, ова правило не се применува секогаш. Како што вели народната поговорка: „Сè што блеска не е злато“. Тоа се покажало и во неколку случаи кога некои поевтини пушки се покажале како подобри и поиздржливи од поскапите.
Има случаи луѓе да купат пушки што се со сериска грешка. Ова може да доведе до краток век на траење на самата пушка. Многу е важно пушката да ја одржувате според упатствата, односно врз основа на информациите што сте ги добиле од продавачот кога сте ја купиле пушката.
Чувањето на суво место е исто така важно, бидејќи влагата може да предизвика корозија на пушката и со тоа да ја уништи. Доколку сте ловец почетник, тогаш пред вас имате многу голем избор на пушки. Денес, во Македонија, како и на целиот Балкан, можете да ги најдете речиси сите видови ловечки пушки. И сега сè зависи од тоа дали сте повеќе љубители на прекршувачки или пумпарици со една или двојна цевка.
Како да изберете пушка за купување?
Која пушка и да ја изберете, потрудете се да ја купите од овластен дистрибутер и да ги добиете сите информации поврзани со одржувањето на пушката. Ако сте почетник, еден од советите е да купите користена ловечка пушка. Веројатно се прашувате зошто? Од една едноставна причина, а тоа е дека почетник може многу да научи, а без притоа да потроши многу пари. Подоцна, кога ќе се усовршите, ќе ја видите и смислата на инвестирање во нова и подобра пушка.
На веб-страници за продавање на половни работи можете да најдете ловечка пушка по многу добра цена, но секогаш бидете внимателни кога станува збор за онлајн купување. Токму затоа што има различни измами. Наш совет е секогаш детално да ја проверувате доверливоста на продавачот пред да размислите за можно купување.
Друга многу важна работа кога станува збор за првата пушка е дека механизмот на самата пушка мора да работи многу прецизно. Токму затоа што ја користи почетник. Поточно, кога станува збор за времетраењето на двоцевка, тогаш слободно можеме да кажеме дека нивниот животен век е многу долг. Веруваме дека нема ловец кој се покајал што купил двоцевка, барем кога се работи за неговата издржливост и времетраење.
Колку ќе се грижите за пушката, толку ќе трае
Секој ловец треба да се грижи за своето оружје, во спротивно тој може да се соочи со сериозни проблеми. Најчестите проблеми со кои се соочуваат ловџиите е корозијата, односно рѓата која влијае на пушката доколку не се одржува соодветно. Се разбира, покрај корозија, може да се појават и други дефекти, но тие се многу поретки. Затоа, ако сакате да одите на лов, идете сигурни дека вашето оружје е исправно, затоа чистете ја својата ловечка пушка на време. Ако правилно ја одржувате пушката, сигурно ќе го продолжите нејзиниот век на користење. Така на прашањето „Колку трае ловечката пушка?“ можеме да одговориме дека ќе трае се додека вие се грижите за неа.
Има и ловци кои не одат на лов толку често. Можеби само неколку пати во текот на годината. На ваквите ловџии им советуваме посебно да внимаваат како ја чистат пушката пред да ја остават до следниот лов. Некои дури ги советуваат таквите ловци да ја чуваат пушката во соодветно куќиште. Како што веќе споменавме, на Интернет можете да најдете страници каде што можете да нарачате додатоци за одржување на вашата ловечка пушка. Доколку немате време да отидете во некоја од продавниците за ловечка опрема, тогаш ова би било вистинскиот избор за вас.
Како заклучок, би сакале да напоменеме дека при купување на ловечка пушка мора да побарате детални упатства за самото одржување, бидејќи секоја пушка е специфична на свој начин. Да речеме, одржувањето на карабин и двоцевка итн., не е исто. Затоа, бидете многу внимателни кога станува збор за чистење и одржување на пушката, бидејќи ловот во многу зависи од тоа. Несоодветното одржување, исто така, влијае на прецизноста на пушката, што може да доведе до лоши резултати. Затоа, ако го сакате и уживате во ловот, грижете се за вашата ловечка пушка, бидејќи запомнете, вие одредувате колку долго ќе трае вашата пушка.